வானவில்லுக்காக வானத்துடன் வசனித்தல்
வானவில்லை வர்ணிக்க
வசனங்கள் சிலதேடி
வானத்துடன் வசனித்தேன்
வானவில்
காலக்கிளி அணிந்த
கழுத்து ஆரம் என்றேன்
இல்லை என்று நாணியது வானம்
வானவில்
மாலைப்பெண்ணின்
மசக்கை மருதாணி
உடுக்கள் சுற்றும்
குடை ராட்டினம்
குளிர்காலம் அனுப்பிய
வெளிநாட்டுக் கடிதம்
வானவில்
மின்னல் பெண்ணின்
வர்ணப் புகைப்படம்
காற்றில் கலையாதää
கற்பனை ஒப்பனை
மாரிக் கன்னியின்
மார்புத் தாவணி
வர்ணித்து வரைந்தேன்.
இல்லையில்லை என்று
வெட்கியது வானம்
வானவில்
ஆதி எறிந்தää
பாதி மறைந்த பம்பரம்
திசைக் கோணமளக்க
பரிதி வைத்த பாகைமாணி
இந்திரவில்லின் வர்ணப் பதிப்பு
விப்ஜியோர் கம்பனியின்
வர்ணத் தொலைக்காட்சி
ஏழ்நிறக் கட்சிகளின் கூட்டணிக்கொடி
கண்களுக்குக் கதிர்கள்
எழுதிய ஏழ்சீர் விருத்தம்
புகழ்ந்து புனைந்தேன்
இல்லவேயில்லை
என்று புன்னகைத்தது வானம்
வானவில்
மேகங்கள் காணும்
கனவுக் கண்காட்சி
அந்திமாலை அணிந்த
வர்ணத் தாலி
வான ஐயரின்
வர்ணப் பூணூல்
பூமிக்கு வராத விண் பூங்கா
தமிழால் தடவி விட்டேன்
இல்லையே என்று தயங்கிய வானம்-
தான் ஒன்றுசொன்னது-
வானவில்
மழையின் ~மின்னஞ்சல் முகவரி
அட-
அதிசயித்து
அண்ணார்ந்து பார்த்தேன்
காணவில்லை
வானவில்லை..
00)
No comments:
Post a Comment